Subscribe News Feed Subscribe Comments

بان كيك مع العسل والفراوله

،
،

المقادير :
١ كوب دقيق
١ م ك باكينغ باودر
رشة ملح
٢ م ك سكر ناعم
١ كوب حليب سائل
١ بيضه مفصوله
٢ م ك زيت
الطريقة :
نضع المكونات الجافه مع بعض في وعاء وتخلط
الدقيق + الباكينغ باودر + الملح
وتترك جانباً
الان ناخذ البيضه ونفصل الصفار والبياض
ويوضع كلاً على حده
نضع صفار البيضه في وعاء ويضاف له السكر 
يمزج مع بعض
ثم يضاف له الحليب بالتدريج مع التحريك
ثم يضاف له الزيت
الان نضيف له لمكونات الجافه ويقلب
حتى يصبح خليط متجانس من دون كتل 
يمكن الاستعانه بمضرب الكيك

نضع بياض البيض في وعاء ويخلط بسرعه متوسطه ثم سريعه
حتى يشكل قمم ثلجيه
نضيف الان بياض البيض على الخليط الاول 
ويمزج بشكل دائري حتى يتجانس
من دون الافراط في التحريك
يصبح الخليط بالتالي سلس وانسيابي

الان مباشرةً نقوم بتشغيل الة البانكيك الكهربائية
او على الصاج او مقلاة غير قابلة للالتصاق 
ونصب مقدار مناسب 
عند ظهور الفقاعات كما في الشكل يقلب على الوجه الاخر
يقدم وهو ساخن مع التوت او الفراوله والعسل
وبالعافية ،،



24 التعليقات:

طيـــف يقول...

شكلها هشه ولذيذه

تسلم الايادي

هذي ثاني مره اشوف وصفه للبان كيك مخفوق فيها البيض

باجربها شكلها بتكون اخف من العاده

غير معرف يقول...

الله نفسي اذوقها

غالا يقول...

الله يسلمك ياطيف
وبالنسبه للطريقه هذي افضل بكثير من غيرها وخفيفه جداً بالاكل ،،

طيـــف يقول...

سلام غالا

ابشرك جربت الطريقه

طلعت النتيجه مره رائعه

وعلى قولتك خفيفه وطريه

وبالنسبه لي هي الي الان الطريقه المعتمده عندي للبان كيك

http://www6.0zz0.com/2012/03/19/09/358570199.jpg

عاد لا تدققين واجد :)

وتسلمين عالوصفه

غير معرف يقول...

ماشاء الله تبارك الرحمن
الله يعطيك العافية

غالا يقول...

ماشاءالله ياطيف الشكل مضبوط عليكم بالعافيه ،،

غير معرف يقول...

شكلهاا شهيه تسلم الايدي

غالا يقول...

الله يسلمك جربيها خطيره مره ،،

dream girl يقول...

مرررة نايس .. راايحةة أجربهاااا ..

غير معرف يقول...

تسلم ايديك غالا مبين من شكلها روووعه ماشاء الله عليك

غالا يقول...

مرحبا فيك يا dream girl
جربيها وراح تعجبك ان شاء الله

غير معرف يقول...

شكلهااااا يمييئيئيي
بس السؤال الجهاز من ؤين مأخذته سهل مرررره

غالا يقول...

الجهاز متوفر في محلات الاواني المنزليه
واعتقد حتى في ساكو واكسترا ،،

غير معرف يقول...

تسلميين الله يعافيك
سويتها مع النوتيلا مرره لذيذة

غالا يقول...

عليك بالعافيه.. فعلاً بالنوتيلا لذيذة مررره

غير معرف يقول...

بسألك ,, البيض يكون مسلوق ولا قصدك بالبياض القشرة ؟؟ ويعطيكِ الف عآآفيةة

غالا يقول...

كيف مسلوق !!!!
البيضه لما تفتحينه وترمين القشره كم لون وقسم فيها؟
فيها اثنين لون ابيض او مائي شفاف ( وهذا اللي اقصد فيه ببياض البيض )
واللون الثاني اصفر
ارجعي للصور في الوصفه موضح كل شي ،،

غير معرف يقول...

شكلها سهله و سريعه .. ان شاء الله بجربها :)

غير معرف يقول...

كيف سويتيها بالنوتيلا ؟؟!

غير معرف يقول...

كيف تتسوى بالنوتيلا ؟؟!

غالا يقول...

ابداً حطي بين طبقات البان كيك نوتيلا
ولو ماتحبين النوتيلا ثقيل خففيه بشوية كريمة خفق ،،

غير معرف يقول...

يعطيك العافيه وتسلم يدك
وراااااح أجربها

غير معرف يقول...

أنتي كسرتي الدنيا بطباخك يعطيك بالعافيه وهل راح تنزلين لك كتاب طبخ

غالا يقول...

مشكورين على تواجدكم
والكتاب فكرة انتاجه غير وارده الان ،،

Related Posts Plugin for WordPress, Blogger...
 
Crazy Cooking | TNB