Subscribe News Feed Subscribe Comments

مولتن كيك Chocolate Lava Cake








المولتن او مايسمى لافا كيك شوكلت 
من الحلويات المفضله لدى الجميع
والخطأ الشائع لدى الجميع هو تسمية الوصفه هذي بالسوفليه 
لان السوفليه عباره عن وصفه مختلفه تماماً عن المولتن
حتى في غالبية المطاعم يطلقون ع المولتن سوفليه 
وهذا خطأ كبير 
 تحضير الوصفه سهل جداً 
وللحصول على وصفه ناجحه يجب  اتباع المقادير بدقه
 واختيار شوكلاته مناسبه ونسبة دقيقه من الكاكاو فيها
وضبط درجة حرارة الفرن والوقت بشكل جيد

المقادير :
١١٣ غرام شكولاته خام ٧٠٪ كاكاو 
١١٣ غرام زبده غير مملحه 
١ كوب سكر حبيبات ناعم(ممكن اضافة ½1 م ك سكر)
٢ بيض 
٢ صفار بيض 
٦٠ غرام دقيق 

الطريقة :
اولاً نحضر اوعيه خاصه للمولتن او اوعية السيراميك ramekins
تدهن بالزبده جيداً وترش بالدقيق او الشوكلاته الباودر 
انا افضل ان امزج كميه متساويه من الدقيق والشوكلاته الباودر 
وارش بهم الاوعيه ويجب التأكد ان الاوعيه مكسيه تماماً بالزبده والدقيق 
تدخل للفريزر حتى ننتهي من تحضير الوصفه 

نفرم الشوكلاته الخام ويجب ان تكون نسبة الكاكاو ٧٠ ٪ 
من اي شركة انتم تفضلونها في الوصفه هذي استخدمت النوع هذا 

وفيه منه نكهة الاسبريسو لذيذه مررره 
لو تغيرت نسبة الشوكلاته ما اضمن لكم نجاح الوصفه 
بعد فرم الشوكلاته تقطع الزبده مكعبات ونضعهم مع بعض على حمام مائي
 حتى تذوب الشوكلاته بالزبده ويفضل عدم الافراط في ارتفاع الحرارة
يرفع عن الحمام المائي  ونضع كوب السكر على مزيج الزبده بالشوكلاته
ولو تحبون الطعم مايكون فيه مرارة الشوكلاته واضحه
ممكن تزيدون ملعقة ونص كبيره سكر 
ويجب ان يكون السكر حبيبات صغيره وليس خشن ولا باودر 
ويحرك بالملعقه نضيف له الان البيض وصفار البيض 
ويحرك جيداً نضيف له الدقيق دفعات ويمزج الخليط جيداً

نخرج اوعيه السيراميك من الفريزر ويصب مقدار ثلاثة ارباع الوعاء 
يدخل الفرن على حرارة ٢٢٠ درجه لمدة ١٦ دقيقه 
درجة الحراره والوقت في المولتن مهمه جداً
الاختلال البسيط في درجة الحراره ممكن يفسد الوصفه كامله 
بعد خروجه من الفرن نمرر السكين ع حافة الاوعيه
 ثم يقلب على صحن التقديم 



ممكن يزين بالسكر البودر او كريمة الخفق مع بشر شوكلاته 
ولان التصوير وضبط اعدادت الكام ياخذ مني وقت صار فيضان بالمولتن 
 
وبالعافيه ،،

كثير طلبوا مني في تويتر والانستقرام وع الايميل
 الوصفه تكون بالاكواب والملاعق لان ماعندهم ميزان للجرامات
ونزولاً عند رغبة الكثير منكم
عدلت ع الوصفه ونزلت لكم المقادير بالاكواب
المقادير هذي تعطي نتيجه قريبه جداً للوصفه الاولى 
لاكن لو عندكم ميزان ارجح عمل الوصفه الاولى 

مولتن كيك Chocolate Lava Cake

 ½ كوب زبده
 ½ كوب شوكلاته خام ٧٠٪ كاكاو مذابه على حمام مائي
توضع على النار في حمام مائي حتى تمتزج جيداً ثم ترفع وتضاف له
¼١ كوب حبيبات السكر
يحرك جيداً ثم يضاف له
٢ بيضه + ٣ صفار بيض
ويمزج جيداً ويضاف له على دفعات
¾ كوب دقيق
ويمزج ثم يصب في اكواب مدهونه بالزبده ومرشوشه بالدقيق ومبرده مسبقاً
يدخل فرن موقد مسبقاً على حرارة ٢٢٠ لمدة ١٦ دقيقه
يخرج من الفرن ويقلب ويقدم  مع الايس كريم او الويبنغ كريم
وبالعافيه 
 
 
 
 

68 التعليقات:

غير معرف يقول...

لذيذ ممممممم

غير معرف يقول...

شكلها لذيييييذه مرره ♥

غالا يقول...

لذيذه جداً جربوها وماراح تندمون ..

ورد يقول...

مررره لذيذه

غير معرف يقول...

باينتها روعه ان شا الله ابجربها

غير معرف يقول...

اممممممممم لذيذه

غير معرف يقول...

واو مرة لديده

غير معرف يقول...

انا وحام. اشتهتها

غير معرف يقول...

شكلها مررة لزيزة بس فين الاقي الشكلاته الخام ؟؟

غالا يقول...

الشوكلاته الخام متوفره بالماركت عندك هايبر بنده عندهم خام بنسبة ٧٠ ٪

غير معرف يقول...

ما شاء الله عليج ابدعتي والله ... لذييييييييذه

غير معرف يقول...

ابي اسوي بس أخاف ماينجح

غير معرف يقول...

الاااه لذيذ

غير معرف يقول...

الله يعطيك الف عاااافيه غالا

غير معرف يقول...

حلو ماعمري سويته
الله يديك العافيه🌹

غير معرف يقول...

حلووه. ؤائد

غير معرف يقول...

ماتعجبني

غير معرف يقول...

كيف أوزن :/
ليتك تقيسين بالاكواب المعيارية

غير معرف يقول...

لذيذ👌

غالا يقول...

الله يعافيكم جميعاً ..
بالنسبه للمولتن صعب جداً اقيس المقادير بالاكواب لانه محتاج شوية دقه ،،

ام فهد يقول...

ماشاءالله شكله يشهي تسلم ايدك 👍

غير معرف يقول...

ماشاالله مره مشهيه 

غير معرف يقول...

يم يم نفسي اضبطه

غالا يقول...

الله يسلمكم مشكورين جميعاً ،،

غير معرف يقول...

واااو علييييك...لازم شوكو خااااام...ولا عادي احط اي نووع شووكوو يكوون جاامد يعني واذووبه..مثل شوكولاتاات العلب الصغيرره..
ربي يعطيك العافيه..

غير معرف يقول...

رووووعه

غالا يقول...

لا .. لازم خام ونسبة ٧٠ ٪ مهمه لنجاح المولتن
لو استخدمتي شوكلاتات مثل الجالكسي وغيره ماراح تنجح معاك ،،

غير معرف يقول...

عادي لو استخدمت كاسات او البلاستيگ اللي تدخل الفرن غير السيراميگ ؟
ينفع بالفرن الكهربائي ولا عادي ماتفرق اي فرن ؟

غالا يقول...

ايه عادي ممكن تستخدمين اي صحون او كاسات قابله للاستعمال بالفرن ..
وتنفع تعملينها بالفرن الكهربائي اهم شي يكون نوعيه ممتازه ،،

غير معرف يقول...

يعطيك العافية ، لو حبيت احشي المولتن بشوكولاته من داخل ، كيف ؟؟

غالا يقول...

تحشين المولتن شوكلت !!!
ماهو اصلاً مليان شوكلت من الداخل مايحتاج تحشينه ..
هو سّر الوصفه كذا يطلع المولتن من الفرن وجواته الشوكلاته سايله ،،

غير معرف يقول...

يعطيك العافيه وتسلم دياتك مرا ذوق

ربي يسعدك

غير معرف يقول...

حبيبتي روعه شكلها بس ابغا مقاديرها بالعاميه هههههههههه. كاسه ملعقه وهيك ويعطك الف عافيه 😍

ام راما يقول...

روووعه
الله يعطيك العافيه

غالا يقول...

يعطيكم العافيه كلكم ع المرور الحلو ..
مقادير الوصفه هذي مهم جداً الجرام صعب اني اعطيك بالكاس
او الملعقه الا لو بتستخدمين نفس نوع وشركة السكر والدقيق والشوكلت وكذا ..
وحتى لو عطيتك بالكاسات والملاعق لازم تكون معياريه وبنسب دقيقه
عموماً احاول اضبطهم لكم بمقاسات الملاعق والاكواب ..

غير معرف يقول...

ايش الفرق بين السوفليه والمولتن

غالا يقول...

المولتن قريب طعمه وشكله من كيك محشي شوكلت سايل
عكس السوفليه اللي يكون قوامه لزج وله قشره
والمولتن تقدرين تقلبينه وتطلعينه بصحن لانه ثابت
عكس السوفليه اللي لازم ينوكل في نفس صحون السيراميك لانه ماده لزجه
والمولتن اذا طهيتيه مايرتفع كثير عكس السوفليه لازم يرتفع كثير علشان ينجح
وتكون له قبه وقشره ..
وبالنسبه للمكونات المولتن اساسي فيه الدقيق
عكس السوفليه اللي مايدخل الدقيق بتكوينه ابداً بالعكس هو يعتمد على بياض البيض علشان يرتفع وتقدرين تسوين من السوفليه حلو ومالح لاكن المولتن بس حلو ..
عموماً انتي ماراح تحسين بها الشي الا اذا جربتي واكلتي الاثنين ..

Fo يقول...

شكراً جزيلاً لك ويعطيكي الف عافيه الحين عرفت الفرق لاني دايم اسوي السوفليه بس ما اقدر اقلبها ابدا ولاني شفت صور المولتن ف النت بس يقولوا سوفليه بس لما دخلت مدونتك الرائعه عرفت الفرق
انتي طباخه رائعه اشكرك��
نفسي اصير مثلك ماشاء الله عليكي

غير معرف يقول...

مبدعه

غير معرف يقول...

مرااااا اشتهيتهاااا ،،ولازم اجربهآ بدال السوفليه لاني انا من عشاق السوفليه خليني اشوف وش اطعم!!

غير معرف يقول...

السلام
ماشاء الله وصفاتك تجنن واستفدت منها كثير ربي يعطيك العافية

بالنسبة للمولتن .. هذي الوصفة كم حبة تسوي ؟ لأني عازمة بنات عمي بعد يومين وواعدتهم بالمولتن .. المفروض اسوي ١٠ حبات ..
كم مقدار من هالوصفة احتاج ؟

غالا يقول...

تقريباً تحتاجين مقدارين لو بتستخدمين صحون السيراميك الكبيره ولو الصغيره تحتاجين مقدار ونص فالافضل انك تعملين مقدارين ،،

غير معرف يقول...

طيب التحمير من تحت فقط

غير معرف يقول...

مره حلوه الملاعق من وين وعلى فكره انا من القصيم
وصحن كيكة اليقطين حلوووو من وين

غالا يقول...

التحمير من تحت فقط ،،

غالا يقول...

الملاعق من ماركت سبنس بالقاهره
لاكن الايام هذي شفت نفس الشكل عند محل فن بيوت
وصحن كيكة اليقطين الطويل من محلات عبداللطيف
والدائري من محل فرصه لكل شيء وموجود نفس الشكل عند محل النجم الرومانسي
اتمنى اكون افدتك واي استفسار انا حاضره ،،

غير معرف يقول...

تسلم يدينك روعه

غير معرف يقول...

غآلآ حبيبتي فديتك ماتقصرييين واكلاتك تجنن ما شاء الله تمنيت انك عندي تعلميني =(
انا مره فاشله بالطبخ مع اني احب الطبخ ولكن ما اعرف اساسياته وكذا لأني نادرا اطبخ

المولتن شكله مره يسسسطل وودي اجربه ولكن ما اعرف الكميات اللي تقصدينها في المقادير لأن مالي بالغرامات والله فاشله ههههه

ممكن تفهميني ولا عليك امر كميات الأكله لأني مافهمت تقديرك بالغرامات اخاف اخربها

المقادير :
١١٣ غرام شكولاته خام ٧٠٪ كاكاو
١١٣ غرام زبده غير مملحه
٦٠ غرام دقيق


معليش رح اعذبك معاي :)
...سـآره

غير معرف يقول...

شككلها ذووق واكيد بيكون طعمها خيياإل تسلم انامملك
بس حبيت اسالك سوال من بعد اذنك الشكولتا ذي من وين اجيبها اتمنى انك تجاوبين ع سالي وشككرآآآ:؛،..

غالا يقول...

مراحب ساره : مقادير المولتن محتاجه لها ميزان علشان توزنين الجرامات
لاكن كثير طلبو مني انزلهم الوصفه بالاكواب والملاعق وراح انزلها لهم
على حسابي بالانستقرام @gala3000

غالا يقول...

الشوكلاته اللي في الصوره اخذتها من مركز سلطان في الكويت
ومتوفره في اماكن كثير انا حصلت عند هايبر بنده شوكلاتات خام
وبنسب مختلفه وفيه عندهم نسبة ٧٠٪ استخدمت انواع ممتازه عندهم
تلاقين صورهم منزلتهم في حسابي بتويتر والانستغرام شوفي روابطهم في اعلى الصفحه ع اليمين ،،

Evalen heart يقول...

طيب ممكن استخدم صينية الكب كيك والا لازم الفخار؟

غير معرف يقول...

امممممممم شكله طعم ماشا الله عليك لازم احاول اجربه وان شا الله يزبط معايه

شموخ عبدالعزيز يقول...

ماشاااااااء الله روووووعه تسلم يدينك الله يجزاها الجنه

بس سوال ممكن اسوي الخلطه واحفظها لوقت قدوم الضيوف ثم اخبزها.
والف شكر

شموخ عبدالعزيز يقول...

شكراً غالا بس كمان عندي استفسار انتي ما كتبتي انو فيها فانيلا فهل رائحه البيض لا تكون ظاهره بدونه.
وبالنسبه للبكنج باودر. هل الوصفه لاتحتاج اضافته وهل تنتفش بدونه.
واسفه بس حبيت اتاكد قبل اسويه وباذن الله ندعي لك

غالا يقول...

اخت Evalen heart ممكن تستخدمين صينية الكب كيك
لاكن راح تتعبك اذا حبيتي تطلعين القطع وتقلبينها
وقوالب السيراميك افضل بكثير حتى من ناحية توزيع الحراره ،،

غالا يقول...

مراحب شموخ الوصفه تعتمد على انك تذوبين الزبده مع الشوكلاته
واذا تركتيها وقت طويل والجو بارد راح تجمد الشوكلاته والزبده
ويصعب عليك وضعها في القوالب لازم تراعين النقطه هذي
اما لو وقت قصير والجو معتدل عادي ماراح تتأثر ..
اما من ناحية الفانيلا والباكينغ باودر احنا مانحتاجهم في وصفة المولتن
والبيض راح تغطي عليه نكهة الشوكلاته القويه ،،

غير معرف يقول...

أسأل الله أن يجزيك حسن الخاتمه عن جد واضح إنك صقره ماشاء الله عليك ...


الله الله ف أذكارك ...
أدعووووووووووووولي بحسن الخاتمه لأن والله إنها نعمه ف هذا الزمن لأنه وربي زمن فتتتتتتتتتتتتتتتن ....
نسأل الله العفو والعافيه لي ولكم .....

فديتكم ...
لنا لقاء ف أعالي الجنان بإذن الله ....

فالبدار البدار غالياتي شدوا الهمه و الله الله الله الله الله الله ف الثبات ع الحق ف هذا الزمن ...
من كان حجابها ولباسها ولسانها وغيرها ف رضى الله فالتثبت ع ذلك..ومن كان حجابها ولباسها ولسانها ف غير رضى الله فالتنقذ نفسها لأن والله والله كثر مووووووووت الفجاءه ....
حنا عندنا من يوم بدأ الصيف تقريبا إلي أعرفهم ماتوا وكان والله أكثرهم موت فجأءه تقريبا حووووول 25 وربي الشاهد ع ما أقول ...يعني صراحه صدمه ....

أخيرا ...
السأل الله من فضله لي ولكم عند سكرات الموت التي والله لو علمنا مافيها لبكينا كثيرا ولضحكنا كثيرا ....

هذا ما جاد لي أن أذكره ...
وصلى الله ع حبيبنا محمد الذي بكى شوقا لنا وع آله وصحبه وسلم ....
دعواتكم غالياتي ....

غير معرف يقول...

ناااااااايس عادي استخدم القوالب البلستك حقت الكب كيك ؟؟؟؟؟؟؟؟؟؟؟؟

غالا يقول...

القوالب البلاستيك او الورقيه ماتنفع مع وصفة المولتن ،،

العنود يقول...

يسلمو يديك ع ها الوصفه انا عملتها بس بسالك الخليط لمن توزعيه كيف قوامه هل هو سائل مره أو وسط لانها مازبطة معي وغير كذا كيف تصير كرانشي زي تبع دومينوز

غالا يقول...

الخليط يكون قوامه ثقيل شويه
ومحتاج يكون الوقت في الفرن مع درجة الحراره مضبوطه
علشان نجاح الوصفه ،،
اما بالنسبه لوصفة دومينوز تختلف عن الوصفه هذي واكيد هذا سر من اسرار وصفات المطاعم ،،

غير معرف يقول...

يعطيك العافية يارب جربت كثير وصفات لك وضبطت معايا الله يسعدك

بالنسبة للمولتن سويته وطلع مزبوط بس حسيت ان طعم الشوكولاتة قوي زيادة عن اللزوم بالذات في الجزء السايل لدرجة ماتقدري تاكلي الا ملعقتين بالكثير ويقلب المعدة حتى لوحطيت ويبنق او ايسكريم مرارة الشوكولاتة مرة قوية ماحد قدر يتقبلها
استخدمت شوكلاتة لندت. ٧٠٪ اتوقع ان مرارة الشوكلاتة تختلف حسب نوع الشركة
ممكن تفيديني جزاك الله خير

غالا يقول...

عليك بالعافيه
حبيبتي انا كاتبه بالوصفه انو ممكن تزيدي السكر ملعقه ونص حسب الرغبه وهذا بيساعد يخفف من مرارة الكاكاو ،،

غير معرف يقول...

السلام عليكم ..

انا ابا اتاكد من المقادير .... بيكون 3 صفار بيض او 2

غالا يقول...

اثنين صفار بيض ،،

غير معرف يقول...

الله يسعدك الفرن نكون مسخنينه من قبل والا نشغل ونحط ع طول ؟

ريم أنس يقول...

وش فائدة من صفار البيض يعني عادي لو حطيت 4 البيض كامل ؟؟
صفار البيض وش يسوي هو ؟؟

Related Posts Plugin for WordPress, Blogger...
 
Crazy Cooking | TNB