Subscribe News Feed Subscribe Comments

مثلثات السميد

الرسبي هذي قديمه شوي حبيت اضيفها لانه كثير سألوني عنها 

المقادير :
  ١ كوب سميد 
١ كوب دقيق     
½ كوب زيت
١ م ص باكينغ باودر ( ملعقه معياريه مقاس ٥ مل )
١ م ص خميره فوريه
½كوب ماء 
الطريقه: 
نضع في وعاء جميع المقادير الناشفه مع بعض وتخلط 
ثم نضيف الزيت ونبدأ بالعجن ونضيف الماء اثناء العجن 
قد نحتاج نصف كوب الماء او آقل او آكثر على حسب نوعية الدقيق والسميد المستخدم
لانه فيه نوعيه من السميد تتشرب السوائل بكميه كبيره ونوعيه اخرى تحتاج اقل
نبدأ بعد العجن مباشره بتقطيع العجين الي كور صغيره ثم تفرد كل قطعه 
وتوضع في القالب اخترت هنا القالب الحجم الصغير المثلث
ثم توضع الحشوه حسب الرغبه
 الافضل الجبنه وخصوصاً الكيري متناسق مع هذه الوصفه 
ايضاً المكسرات مثل الفستق نقوم بجرشه خشن 
ويضاف له سكر بودره وكميه بسيطه من ماء الزهر 
بعدين نقفلها ونقلاها في زيت غزير
وبعد ماتبرد ترش بالسكر البودر او يصب عليها شراب سكري 
وبالعافيه ،،

26 التعليقات:

غير معرف يقول...

السلام عليكم حبيت اسألك عن هاذي الوصفه انا سويتها بس طلعت معي العجينه غير متماسكه وما قدرت اشكلها وش السبب مع اني سويت الطريقه بحذافيرها،،وشكرا

غالا يقول...

وعليكم السلام
حبيبتي العجينه لازم تكون متماسكه والسبب واضح تحتاجين زيادة كمية الماء
انا ذكرت في المقادير انه ممكن نحتاج نص كوب او اكثر حسب السميد والدقيق
يمكن تكونين أستخدمتي دقيق سعودي من النوع الثقيل
هنا راح نحتاج كميه ماء اضافي حتى السميد فيه نوعيه تمتص الماء
بشكل اكثر فنحتاج ماء اكثر ..
اليوم انا عملتها وكان السميد من شركة عزيمكو متوفر في بنده
والدقيق من شركة فوم متوفر بالعثيم احتجت بالضبط ماء نص كوب
وكانت جداً رائعه ..
واستخدمت مره نوع دقيق وسميد مختلف واحتجت اكثر من نص الكوب ماء ..
ايضاً في نقطه مهمه انك تعجنين وعلى طول تفردين وتحشين
لاتتركينها وقت مايحتاج تخمر علشان ماتنشف العجينه ،،

غير معرف يقول...

مرحبا مشكوره اخت غالا على ردك انا استخدمت الدقيق الكويتي والسميد من منتجات بنده، بجرب أسويه وأزيد مويه ، شكرا من القلب واستمتعت كثيرا بمدونتك الرائعه..

غالا يقول...

تسلمين ياحلوه وبالتوفيق ،،

غير معرف يقول...

اضائتك روعه بتصويرك << مصوره بيقنر
من جد حبيت اضائتك قريب للتصوير الدعائي
طبخاتك تحمس خصوصا السويت
بالتوفيق وربي ينفعك بماتقدمينه
^_^

غالا يقول...

تسلمين ياعسل هذا من ذوقك ،،

غير معرف يقول...

ايه السميد دة ؟

غالا يقول...

السميد هذا هو نفس السميد المستخدم بعمل البسبوسه ،،

غير معرف يقول...

السلام عليكم اخت غالا عجبتني مدونتك
ويعطيكي العافيه
بس عندي سؤال يصير نعملها بس بدون ما نرشها بالقطر او السكر
يعني تكون نوع مقبلات
مثل السمبوسك
وشكرا

غالا يقول...

القشره هنا معموله من السميد
وفي الغالب او دائماً السميد في اي وصفه
لازم يضاف له عنصر السكر او العسل يعني حاجه حلوه
انا اشوف انه ضروري اضافه العسل او الشيره ..

غير معرف يقول...

طيب هذا يعبر نوع من الحلا والا المالح


يعني اذا حشيته جبن ينفع احط عليه سكر او او شيره كأنها اصابع الجبن

لكن ممكن نستخدم العجينه كسمبوسه ونحشيها لحمه


والف شكر ع الوصفه الجميله

غالا يقول...

هذا نوع من الحلا
وانا هنا حشيته جبن وحشيته كمان مكسرات وحطيت عليه شيره
لاكن ماتنفع العجينه تحشينها لحم راح يكون فيه تناقض بالطعم بين السميد واللحمه ،،

غير معرف يقول...

يسلمو جد روعه وطعمها لذيذ

غير معرف يقول...

يعطيك العاإفيه انا اككره الطبخ بس لممن شفت مدوونتك حبيته ووإن شاء الله اطبخ تمإام دعوواتكم ههههههه

غالا يقول...

بالتوفيق وعقبال مانشوفك طباخه ماهره ،،

غير معرف يقول...

جربي حشوة التمر جدا جميييلة فقط رشيها بسكر بني

غالا يقول...

آن شاءالله بعد كم يوم رمضان وبجربها ،،

غير معرف يقول...

شكرا ع جهودك وماشاء الله مدونه رائعه
واكثر شئ عاجبني ان اسماء المكونات المستخدمه معروفه

شكرا مجددا وراح تكون مدونتك مرجعي بالطبخ♡♥

غير معرف يقول...

مشكووووره غالا

غير معرف يقول...

شي رائع اعجبني حيل وراح اسويه اليوم ع الأفطار ....انتي رائعه

غالا يقول...

العفو مشكورين ع تواجدكم ،،

غير معرف يقول...

مساء الخير
ممكن اسويها قبل بيوم واحطها بالثلاجه؟
وممكن اشكلها اشكال ثانيه لان ماعندي هذي الاله

غالا يقول...

مساء الانوار ..
ايه عادي ممكن تسوينها وتفرزنينها
وممكن تعملينها باي شكل انتي تفضلينه ،،

غير معرف يقول...

اسال الله العظيم ان يحفظك ويسعد قلبك دنيا واخره احبك في الله

turfa hassan يقول...

ما شاء الله روعه
مدونتك رائعه و التصوير جذاب و الطبخات مميزه
تمنياتي لك بالتوفيق
اشكرك

غير معرف يقول...

شكريا
T

Related Posts Plugin for WordPress, Blogger...
 
Crazy Cooking | TNB