لعمل الكب كيك نحتاج :
أي نوع خليط كيك شوكلت أي طريقه تعتمدينها لعمل الكب كيك
أو جاهز مثل البيتي كويكر بعد خلطه
تصبينه بالقوالب الورقيه أو السليكون
وأذا كانت القوالب سليكون يفضل رشها برذاذ أو دهنها بالزيت
وأذا كنتي تحبين مذاق الشوكلاته المركز ممكن تحطين في الكب كيك
قبل ماتدخلينه الفرن قطع شوكلاته ممكن قطع هرشي أو أي نوع خام
لاكن يفضل قبل وضعها رشها بالدقيق حتى لاتلتصق بالقاع
وبعد ماتطلع من الفرن تترك حتى تبرد أذا كانت القوالب سيلكون يفضل نزعها
نأخذ بسكويت الاوريو وننزع الزبده منه ونضع على كل كب قطعه واحده
ثم نخلط ظرف دريم ويب مع كميه بسيطه من الحليب مقدار فنجان
ويضاف له اللون الاصفر ونكرر العمليه بأضافة لون أخضر للمقدار الثاني
وممكن تستخدمين جاهز عباره عن علبه مثل البخاخ ولها أقماع تختارين
القمع المناسب وتشتغلين فيها من شركة بتي كويكر لاكن طعم الدريم ويب أفضل
ونقوم بتزيين الكب كيك بالكريمه بأقماع خاصه لعمل ورق الاشجار ويفضل مقاس الرقم 68
نعمل اللون الاخضر بالاول ثم اللون الاصفر نفس اللي بالصوره
ونعملهم كلهم باللون الاخضر بالاول ونتركهم يبردون بالثلاجه شوي
ونكرر العمليه باللون الاصفر من فوق اللون الاخضر
والنتيجه تعطينا شكل نفس دوار الشمس
صوره عامه للالوان والقمع والادوات المستخدمه
استخدمت الرقم ٦٨ لانه الافضل
والقريب منه بالشكل كان الرقم ٦٧ يعطي حجم اصغر
14 التعليقات:
مشاء الله عليك .. نبغى أكثر ..
ونبغى كم حلآ للـ عجازين :D
ماشاءالله شغل راقي ونظيف
اي صح نبغـى حـلآ لنـآ يالعجازات وسهل وطعمه يصك في الرااس ^_^
ما شا اء الله تبارك الله شغلك رايق
بسالك اي قمع استخدمتي للورق..
شاكره لكم جميعاً ع الكومنت اللطيف
القمع ارفقت في الوصفه الصور ان شاء الله يكون واضح ،،
ثانكس amal
تابعتك في غيض من فيض ،،
ماشاءالله شكلة حلووووو و مرتب
اممم ممكن أعرف من وين شريتي الاقماع؟
مرحبا
الاقماع متوفره عند محل تافولا.. ومحل ديكور الكيك
ماشاءالله
حبيبتي ممكن اعرف الالوان اللي تجي في الكب كيك الازرق والاحمر وألوان اخرى يستخدمونها تجنن ممكن الله يرضى عليج تصورين العلبه وتكتبين لي اسمها من زمان وانا ابحث عنها ولج دعوه بظهر الغيب
الالوان كثير متوفره بالسوبرماركت ومحلات الحلويات فيه شركات يكون عندها الوان ودرجات افضل من الوان ثانيه كل شركه ولها الوان تتميز فيها..
عني انا ماأتقيد بشركه محدده اي مكان اروح اشتري منه واجرب ..
عندك مثلاً بنده عندهم الوان سائله من شركه فوستر تقدرين تحصلين لون ازرق واحمر حلو عندهم لو حبيتي اللون يكون غامق زيدي الكميه..
وفيه محل تافولاموجود في غالب الدول العربيه عندهم الوان كثيره ..
ومحل ديكور الكيك بالعروبه في الرياض عندهم بعد الوان حلوه ودرجات جداً رائعه وخصوصاً الوان الشوكلاته
وفيه مركز بن داوود في جده عندهم الوان بودر مررره حلوه تنفع للماكرون ..
ومحل ملتقى الخبازين يتوفر احياناً عندهم الوان سائله ..
وفيه لولو ماركت والدانوب والتميمي ومركز سلطان بالكويت وكارفور كلهم يجيبون الوان بدرجات مختلفه
صعب احصر لك الاماكن كلها
وكمان ممكن تطلبين من النت انا طلبت الوان وكانت جداً ممتازه
وراح انزل قسم المنتجات في المدونه قريب ان شاءالله
واعرض فيه الوان انا استخدمها
اتمنى اكون افدتك بالتوفيق ،،
السلام عليكم ورحمة الله
ابدعتي في وصفاتك الرائعه جدا
اسعدكي الباري ووفقك لخير الدارين
سوف ارجع للمدونه لتنفيذ بعض الوصفات
وعليكم السلام ورحمة الله وبركاته
شكراً على تواجدك .. وبالتوفيق في تطبيق الوصفات ،،
ماشالله وصفات رائعه جدا تبارك الله الله يحفظك
مرحبا قلبي
سوري عندي سوال عن الكب كييك عموما
انا قبل سويتهه
ماحسيته زبط معاإي مثل اللي نشريهه جاهز
طلع الارتفاع بسيط
وكمانت ادا اكلتيهه تحسي فيهه قساوه شووي
وش اعمل عشان يظبط معاإي
ي سعدكككك المووولى غلإاي
والله يحفظككك
واستمري حوووبي
تحياتي ..
ميمي
يمكن استخدمتي خليط غير جيد
فيه وصفه في قسم الحلويات كب كيك الشوكلاته لذيذ والوصفه ان شاء الله مضمون نجاحها جربيها http://crazycooking1.blogspot.com/2010/11/blog-post_07.html
إرسال تعليق