Subscribe News Feed Subscribe Comments

سمبوسك مقرمش بدقيق الارز



الوصفه هذي لسمبوسك مقرمشه وحلوه وتحافظ على القرمشه حتى بعد ماتتفرزن 
 ولو حابه تكون مقرمشه اكثر ممكن تضيفين دقيق ارز اكثر شوي لاكن انا افضل ربع كوب فقط
 ودقيق الارز متوفر في اغلب السوبرماركت  وخاصةً بنده 

المقادير :

٢ كوب دقيق 
½ م ص ملح ( ٢،٥ مل )
¼ كوب دقيق الارز 
٢ م ك زيت 
¾ كوب ماء 

الطريقة :

نخلط الدقيق مع دقيق الارز والملح
 ثم يضاف عليه الزيت ويعجن بالماء 
حتى تصبح عجينه متماسكه 
العجينه هنا ليست لينه  بل قاسيه لاكن تترك ترتاح نصف ساعه
 وتصبح بعد ذالك سهلة الفرد 
نفرد العجين انا استخدم الفراده الكهربائيه 
وافردها على ثلاث ارقام بالتدريج 
واخر رقم  في الفرد هو الرقم قبل الاخير في الة الفرد 
 يعني مايحتاج تكون خفيفه مررره 
ويفضل عند الفرد استخدام الدقيق بدل الزيت 
تحشى حسب الرغبه باللحمه المفرومه او الدجاج 
مع البصل والبهارات 
تقلى بزيت عميق حتى تشقر 
وممكن تتفرزن بشرط غمس السمبوسك بالدقيق 
قبل الحفظ للحفاظ على جودتها 
وتغلف جيداً ..

25 التعليقات:

MaDa Mohammed يقول...

اولاً احب اشكرك ..
بصراحه وصفاتك عال العال لا تنظيم لا دقه لا نظافه .،
تخلين الشخص غصب عنه يطبخ الله يجزاك خير..

ثانياً اليوم استخدمتها الطريقه بس بدون دقيق ارز
للامانه ما جربتها بس اهلي يقلون مقرمشه و لذيذه
و راح اجرب طريقتك مع دقيق ارز ..


عموماً شكراً ب حجم السماء بكل ماتقدمينه ..

غالا يقول...

العفو المهم تعجبكم وشكراً ع الكومنت اللطيف ،،

غير معرف يقول...

حبيبتي ألف شكر عالوصفات الجمييله وانا أسجل اعجابي الشديد ماشاااء الله وبسأل من وين آخذ القالب اللي يشكلها نصف دائره والثاني المثلث مميزين بصراحه انا من الكويت وأتمنى تتواصلين معانا على طول وبسأل اذا لج صفحه عالتويتر او الانستغرام ومشكووره ياقلبي كثيير

غالا يقول...

مشكوره ياعسل و تقدرين توصلين لحساباتي في تويتر والانستغرام وغيرهم
عن طريق ايقونات فوق في الصفحه ع اليمين ..
وبالنسبه للقوالب المثلثه والنص دائره موجوده ومتوفره عندنا في السعوديه في كل محلات الاواني تقريباً حتى في الهايبر ماركت واما في الكويت ماشفتهم بصراحه ..
محلات الاواني عندكم محدوده انا مررره كنت اسأل عن شيء في الاواني المنزليه وقالنا واحد كويتي انتم ليش جايين تشترون أواني من الكويت احنا اصلاً نجي السعوديه نشتري منكم ؟؟!!!
وفعلاً ماشاء الله كل شي عندكم في الكويت حلو الا الأواني قليل الاقي اشياء مميزه
تعجبت فعلاً .. عموماً لاتستغربين من كلامي انا ساكنه في منطقه اهتمامهم في محلات الاواني كبير جداًلدرجة انهم كل اسبوع ينزلون بضائع جديده وانا مبسوطه من ها النقطه .. وعموماً ياعسل انا احاول اكون متواصله معكم ع طول وأي سؤال او استفسار انا حاضره ،،

غير معرف يقول...

وش دقيق الأرز يعني اطحن أرز

غالا يقول...

لا.. دقيق الارز تلاقينه في السوبرماركت كيس صغير فيه بودره بيضاء ناعمه جداً ومكتوب عليه دقيق الأرز حتى تلاقينه في بقالات الهنود منتشر كثير عندهم ،،

غير معرف يقول...

لو سمحتي ابغى حسابك ب الانستقرام ❤

غالا يقول...

تفضلي gala3000

غير معرف يقول...

دقيق الارز وين احصله ؟ وهل هو بقسم الدقيق او الارز

غالا يقول...

دقيق الارز متوفر في بنده في قسم الدقيق والباكينغ باودر ومشتقاته ..

غير معرف يقول...

ماشاء الله الله لايضرك ااابداع

غير معرف يقول...

الله يجزاك الجنة ووالدينك
مررررة انبسطت وانا اقرأ واستفدت بقوة وتمنيت الصفحة ما تخلص
لك كل الشكر والتحايا

غير معرف يقول...

دقيق الارز مو هو النشا ؟؟ او مشابه له ؟؟

غالا يقول...

دقيق الارز شي ثاني مختلف عن نشأ الذره
شوفي صفحتي في الانستغرام كنت حاطه صورة دقيق الارز ،،

غير معرف يقول...

اولا ماشاء الله تبارك الرحمن الله يحميك ويبارك فيك ويدين ما تمسها النار قولي اميييييييييييين
بسئلك ي حبي لك عن هذه بايش سكرتي السمبوسه مرا مرتبهه تسكيرتها بايش

غالا يقول...

امين يارب وتسلمين ..
استخدم في تسكيرتها قالب سمبوسك الظفيره يجي في محلات الاواني ،،

غير معرف يقول...

ماشاء الله تبارك الله

انتي مبدعه ..ربي يحفظك ..

الحياة يقول...

تسلمين الله يسعدك ويرفع قدرك
معلوماتك روووووعه ....

غير معرف يقول...

مشالله روعه

غير معرف يقول...

العزيزة غالا ماهي الفراده الكهربائية

غالا يقول...

مشكورين جميعاً على تواجدكم ..
والفراده الكهربائيه موجوده له صوره في وصفة السمبوسك في قسم رمضانيات ،،

مريـم يقول...

أجهز لسمبوسة رمضان واعتمدت طريقتك.
منفوخة ومقرمشة . خلطت بين السمن والزيت .
جزاك الله خير :)

غالا يقول...

الله يبلغنا وياكم الشهر الفضيل
وعليكم بالعافيه السمبوسه ،،

الدانه QTR يقول...

جربتها من يومين وطلعت لذيذة
وبأذن الله الليلة بسوي منها كمية لرمضان
الله يبلغنا اياه سالمين

جربتها بالجبنه
وان شاء الله بسويها بالدجاج واللحم والبطاطس بعد

يسلموووو
ربي يعطيج العافية

غير معرف يقول...

يعطييك الف عافيه على الطبخه

Related Posts Plugin for WordPress, Blogger...
 
Crazy Cooking | TNB