الوصفه هذي لسمبوسك مقرمشه وحلوه وتحافظ على القرمشه حتى بعد ماتتفرزن
ولو حابه تكون مقرمشه اكثر ممكن تضيفين دقيق ارز اكثر شوي لاكن انا افضل ربع كوب فقط
ودقيق الارز متوفر في اغلب السوبرماركت وخاصةً بنده
المقادير :
٢ كوب دقيق
½ م ص ملح ( ٢،٥ مل )
¼ كوب دقيق الارز
٢ م ك زيت
¾ كوب ماء
الطريقة :
نخلط الدقيق مع دقيق الارز والملح
ثم يضاف عليه الزيت ويعجن بالماء
حتى تصبح عجينه متماسكه
العجينه هنا ليست لينه بل قاسيه لاكن تترك ترتاح نصف ساعه
وتصبح بعد ذالك سهلة الفرد
نفرد العجين انا استخدم الفراده الكهربائيه
وافردها على ثلاث ارقام بالتدريج
واخر رقم في الفرد هو الرقم قبل الاخير في الة الفرد
يعني مايحتاج تكون خفيفه مررره
ويفضل عند الفرد استخدام الدقيق بدل الزيت
تحشى حسب الرغبه باللحمه المفرومه او الدجاج
مع البصل والبهارات
تقلى بزيت عميق حتى تشقر
وممكن تتفرزن بشرط غمس السمبوسك بالدقيق
قبل الحفظ للحفاظ على جودتها
وتغلف جيداً ..
اولاً احب اشكرك ..
ردحذفبصراحه وصفاتك عال العال لا تنظيم لا دقه لا نظافه .،
تخلين الشخص غصب عنه يطبخ الله يجزاك خير..
ثانياً اليوم استخدمتها الطريقه بس بدون دقيق ارز
للامانه ما جربتها بس اهلي يقلون مقرمشه و لذيذه
و راح اجرب طريقتك مع دقيق ارز ..
عموماً شكراً ب حجم السماء بكل ماتقدمينه ..
العفو المهم تعجبكم وشكراً ع الكومنت اللطيف ،،
ردحذفحبيبتي ألف شكر عالوصفات الجمييله وانا أسجل اعجابي الشديد ماشاااء الله وبسأل من وين آخذ القالب اللي يشكلها نصف دائره والثاني المثلث مميزين بصراحه انا من الكويت وأتمنى تتواصلين معانا على طول وبسأل اذا لج صفحه عالتويتر او الانستغرام ومشكووره ياقلبي كثيير
ردحذفمشكوره ياعسل و تقدرين توصلين لحساباتي في تويتر والانستغرام وغيرهم
ردحذفعن طريق ايقونات فوق في الصفحه ع اليمين ..
وبالنسبه للقوالب المثلثه والنص دائره موجوده ومتوفره عندنا في السعوديه في كل محلات الاواني تقريباً حتى في الهايبر ماركت واما في الكويت ماشفتهم بصراحه ..
محلات الاواني عندكم محدوده انا مررره كنت اسأل عن شيء في الاواني المنزليه وقالنا واحد كويتي انتم ليش جايين تشترون أواني من الكويت احنا اصلاً نجي السعوديه نشتري منكم ؟؟!!!
وفعلاً ماشاء الله كل شي عندكم في الكويت حلو الا الأواني قليل الاقي اشياء مميزه
تعجبت فعلاً .. عموماً لاتستغربين من كلامي انا ساكنه في منطقه اهتمامهم في محلات الاواني كبير جداًلدرجة انهم كل اسبوع ينزلون بضائع جديده وانا مبسوطه من ها النقطه .. وعموماً ياعسل انا احاول اكون متواصله معكم ع طول وأي سؤال او استفسار انا حاضره ،،
وش دقيق الأرز يعني اطحن أرز
ردحذفلا.. دقيق الارز تلاقينه في السوبرماركت كيس صغير فيه بودره بيضاء ناعمه جداً ومكتوب عليه دقيق الأرز حتى تلاقينه في بقالات الهنود منتشر كثير عندهم ،،
ردحذفلو سمحتي ابغى حسابك ب الانستقرام ❤
ردحذفتفضلي gala3000
ردحذفدقيق الارز وين احصله ؟ وهل هو بقسم الدقيق او الارز
ردحذفدقيق الارز متوفر في بنده في قسم الدقيق والباكينغ باودر ومشتقاته ..
ردحذفماشاء الله الله لايضرك ااابداع
ردحذفالله يجزاك الجنة ووالدينك
ردحذفمررررة انبسطت وانا اقرأ واستفدت بقوة وتمنيت الصفحة ما تخلص
لك كل الشكر والتحايا
دقيق الارز مو هو النشا ؟؟ او مشابه له ؟؟
ردحذفدقيق الارز شي ثاني مختلف عن نشأ الذره
ردحذفشوفي صفحتي في الانستغرام كنت حاطه صورة دقيق الارز ،،
اولا ماشاء الله تبارك الرحمن الله يحميك ويبارك فيك ويدين ما تمسها النار قولي اميييييييييييين
ردحذفبسئلك ي حبي لك عن هذه بايش سكرتي السمبوسه مرا مرتبهه تسكيرتها بايش
امين يارب وتسلمين ..
ردحذفاستخدم في تسكيرتها قالب سمبوسك الظفيره يجي في محلات الاواني ،،
ماشاء الله تبارك الله
ردحذفانتي مبدعه ..ربي يحفظك ..
تسلمين الله يسعدك ويرفع قدرك
ردحذفمعلوماتك روووووعه ....
مشالله روعه
ردحذفالعزيزة غالا ماهي الفراده الكهربائية
ردحذفمشكورين جميعاً على تواجدكم ..
ردحذفوالفراده الكهربائيه موجوده له صوره في وصفة السمبوسك في قسم رمضانيات ،،
أجهز لسمبوسة رمضان واعتمدت طريقتك.
ردحذفمنفوخة ومقرمشة . خلطت بين السمن والزيت .
جزاك الله خير :)
الله يبلغنا وياكم الشهر الفضيل
ردحذفوعليكم بالعافيه السمبوسه ،،
جربتها من يومين وطلعت لذيذة
ردحذفوبأذن الله الليلة بسوي منها كمية لرمضان
الله يبلغنا اياه سالمين
جربتها بالجبنه
وان شاء الله بسويها بالدجاج واللحم والبطاطس بعد
يسلموووو
ربي يعطيج العافية
يعطييك الف عافيه على الطبخه
ردحذف