Subscribe News Feed Subscribe Comments

كب كيك بفروستنغ الشوكلاته


 

،،
المقادير :
1 كوب سكر
1 كوب ماء
1 كوب زيت
1 كوب دقيق
2 م ك باكينغ باودر
4 م ك حليب بودر
4 م ك كاكاو بودر
2 بيض
الطريقه :
الكب كيك هذا لذيذ وهش جداً قريب من طعم البيتي كروكر
نضع الماء والزيت والبيض في وعاء ويخفق
ثم يضاف له بقية المقادير ويخفق بسرعه لمدة اربع دقائق
سوف يصبح الخليط سائل وخفيف وهو المطلوب
يصب بالاكواب الورقيه ويدخل الفرن على نار متوسطه
بعد خروجه يترك يبرد ونحضر الفروستنق .
فروستنق الشوكلاته :
المقادير :
٢ آصبع زبده (١ كوب )
١ كوب سكر حلويات ناعم
خلاصه عود فانيلا
⅓ كوب بودرة كاكاو
١٢٥ جرام شوكلاته خام دارك
¼كوب كريمة خفق
الطريقه :
قبل مابدا اتكلم عن الطريقه بتكلم عن الزبده اللي ممكن تستخدم في الوصفه هذي
لو حابه تحصلين على الطعم المنكه بالزبده وراح تقدمينها على طول بالبيت
او في مكان بارد ممكن تستخدمين زبده صفراء عاديه من اي شركه تفضلين
مع انه الزبده من النوع الممتاز راح تفرق معاك بالطعم
لاكن لوحابه تاخذينها معاك خارج البيت او من الناس اللي يكره طعم الزبده بالحلويات
ممكن تستخدمين بديل عن الزبده وهو الكريسكو نوع من الزيوت او الدهون الصناعيه
افضل ميزه فيه انه تعطي ثبات اكبر ولا تنفصل في الحراره عن المكونات الاخرى
بالاضافه الي انه مالها طعم تقريباً عني شخصياً افضل الزبده
اكثر من الكريسكو لان الزبده لها نعومه وطعم لايقاوم
لاكن مهم جداً تختارين نوع زبده ممتاز 
هذا نوع الكريسكو المستخدم
نشوف خطوات عمل الفروستنق : اولاً تقطع الزبده مكعبات
وعلى فكره لونها ابيض ناصع لاكن التصوير مو مبين اللون قالب على اصفر
وتوضع الزبده في وعاء مع السكر 
 وتخفق بسرعه متوسطه لمدة دقيقه
يفضل استخدام سكر ناعم جداً الجاهز للحلويات او ننخل سكر البيت بعد طحنه 

ناخذ اصبع الفانيلا ويشق من الوسط ويكشط مابداخله بظهر السكين
ونضيفه مع بودرة الكاكاو على خليط السكر والزبده
وتخلط بسرعه متوسطه ايضاً لمدة دقيقه اخرى
بعد ان خلطناه جيداً واصبح بلون الشوكلاه
نأخذ الشوكلاته الخام بعد ان تذوب في حمام مائي وتضاف للخليط
وتحرك بسرعه متوسطه لمدة ٢ دقيقه

ثم نضيف عليها كريمة الخفق البارده جداً
وتخلط بسرعه عاليه لمدة دقيقه واحده ( يفضل تكون الاواني المستخدمه مبرده مسبقاً )
يعبأ الخليط في اكياس حلواني مع قمع من الحجم الكبير ويزين فيها الكب كيك 

وهذا القمع المستخدم في الوصفه هذي :
   

وتدخل في الثلاجه بعد الانتهاء من تزيينها حتى تقدم بارده
والطعم هنا راح يفرق كثير اذا استخدمتي زبده ممتازه وشوكلاته خام ايضاً ممتازه
وبالعافيه عليكم ،،




 

25 التعليقات:

Asma يقول...

كل طبخة أحلة من الثااانيه
ماشاء الله عليك ..
بالمفضضله علطوول + متابعه لك بتووييتر ^_^

غالا يقول...

تسلمين... وننتظر اول رساله لك في My world

غير معرف يقول...

الله يعطيك العافيه

غالا يقول...

يعافيك ربي

سوما يقول...

روعه يالغاليه روعه ربي يحفظك

غالا يقول...

الله يخليك مشكوره

غير معرف يقول...

غالا ممكن سؤال..
اخذت كاكو خام عساس اخلف فيه حلا كرات الكيك المعروف
المهم بعد ماذوبت الكاكاو طلع مر مره ولونه داكن
كيف ممكن اخلي طعمة حلو..
عندي كريمة خفق..
وهو يبغاله سكر بس مدري ينحط عليه ولا يخرب

ممكن تساعديني الله يرضى عليك.. من خبرتك بالحلا

غالا يقول...

اهلين
نوع الشوكلاته الخام كان دارك وعلشان كذا طعمه مر
انصحك تمزجينه مع نوع شوكلاته محلاة يخفف من مرارته
او مع ملعقة عسل بالاضافه الي كريمة الخفق
بالنسبه للسكر اعتقد انه بديل غير مناسب ممكن يفسد قوام الجاناش
الا لو ذوبتيه مع كريمة الخفق قبل ماتضيفينه ع الشوكلاته
مع انه بصراحه عمري ماجربته لاكن ممكن ينفع ..

غير معرف يقول...

تسلمي حبيبتي

غالا يقول...

الله يسلمك

غير معرف يقول...

تسلم ديآتك ممكن اسآلك هالقمع وين احصصله ؟! دايم الاقي اقمآع مآتعجبني ؟!

غالا يقول...

الاقماع متوفره في محلات تافولا فيه فرع لهم بشارع الثلاثين
ومحلات ديكور الكيك لهم فرع بشارع العروبه

غير معرف يقول...

ربي يسعدك اي قالب تم استخدامه

غالا يقول...

مافهمت سؤالك بقالب ... هل تقصدين صينية الكب كيك !!
استخدمت هنا الصينيه العاديه للكب كيك المتوافره بالاسواق
اما اذا قصدك على القمع مرفقه صورته بالوصفه ..

فيونكه يقول...

يسلمو من زمان ادور طريقه حلوه للكب كيك تسلم ايدك يالغلاء

غالا يقول...

الله يسلمك ،،

غير معرف يقول...

الله يعطيك العافيه
استفدت كثيير من وصفاتك الرائعه
تسلم يمناك وبارك الله في عمرك وعملك دمتي لمن احببتي
ام عبدالرحمن

غالا يقول...

مشكوره ام عبدالرحمن
والغايه من وجود المدونه هي افادة الجميع ،،

غير معرف يقول...

تسلمين الغلا فعلا طباخه
ممكن اعرف نوع الزبده والكاكاو
ولج الشكر

غالا يقول...

الزبده اللي استخدمتها في الفروستنق هي الكريسكو موجوده صورته فوق بالموضوع
لاكن عادي ممكن تغيرين وتستخدمين زبدة عاديه مثل المراعي او اي شركه والشوكلاته خام ممكن تستخدمين ليندت ..

غير معرف يقول...

كم اقدر احتفظ فيها بالثلاجه لما اصلحها كم يوم واغلفه والا اخليها مكشوفه ومشكوره يااحلى ذويقه في الكون

غالا يقول...

عادي ممكن تحتفظين فيها كذا يوم لاكن انتبهي انو الثلاجه
ماتكون فيها روائح تفسد الكب كيك وشي مهم تحفظينهم في علبه مغلقه ،،

Unknown يقول...

لو سمحتي قمع الكريما يلي استعملتيه
يلي بالصورة
اليميني ولا يلي عاليسار

والله يسلم هالديات

غالا يقول...

القمع الموجود في الصوره واحد هو نفسه الفضي
اما الابيض هذي حلقه لتثبيت القمع في الاكياس ،،

غير معرف يقول...

أهلاً غالا
الله يعطيكِ العافية
حبيت آعرف شنو نوع الفانيلا المستخدمة؟
أنا آعرف البودرة والسائلة فقط

Related Posts Plugin for WordPress, Blogger...
 
Crazy Cooking | TNB