Subscribe News Feed Subscribe Comments

مراوح السينامون

 المقادير: 
¾٢ كوب دقيق (ممكن نحتاج زياده ١ م ك دقيق )
¼كوب سكر بودر
١ م ك غير ممتلئه خميره فوريه
رشة ملح
٤ م ك زبده
⅓ كوب حليب سائل 
¼ كوب ماء
١م ص فانيلا
٢ بيضه كبيره

مقادير الحشو : 
٤م ك زبده ذائبه
١ كوب سكر حبيبات ناعم
١م ك قرفه ممكن الزياده حسب الرغبه 

الطريقة: 
نضع الزبده والحليب على النار حتى تذوب الزبده ويقارب للغليان
ثم نضيف عليه الفانيلا والماء ويرفع عن النار ويترك خليط السوائل جانباً يبرد
نخلط المواد الناشفه مع بعض الدقيق والسكر والخميره والملح في وعاء
وفي وعاء أخر او في العجانه نضع البيض

 
نقوم الان بخفق البيض ثم يضاف له خليط السوائل ويخفق
   
ثم تضاف له خليط النواشف دفعات ويعجن ببطء ٢ دقيقه
لو كانت العجينه لينه جداً ممكن نضيف ١ م ك دقيق فقط
وتعجن على سرعه عاليه لمدة ٥ دقائق
نضع العجينه في وعاء مدهون بالزبده وتغلف وتترك لمدة ساعه تخمر
ثم نعاود عجنها وتكور وتترك لمدة عشر دقائق ثم تفرد بشكل مستطيل بسمك نص سنتمتر
ممكن نفردها شوي ونتركها ترتاح ونعاود الفرد مره اخرى وتدهن بالزبده
 
نخلط السكر الحبيبات الناعم مع القرفه
( في سكر حبيبات لاكن خشن وفي حبيبات لاكن ناعم بس مو بودره )
 
  ثم ترش بخليط السكر والقرفه
تقطع شرائح طوليه متقاربه في الحجم
 ثم ترص الشرائح فوق بعض وتقسم الي مجموعه من القطع
وناخذ كل مجموعه وتوضع في صواني الكب كيك او في اكواب ورقيه
 
تدخل الفرن على نار متوسطه لمدة ١٠ دقائق

بعد خروجها من الفرن تقدم اما ساده او مع اي نوع من الصوص مفضل لديك
شوفو الشكل كيف يكون تاخذ من شكل القالب اللي كانت فيه 
وهنا سويتها باكواب ورقيه 

 



31 التعليقات:

غير معرف يقول...

يعطيك ألف عافيه أختي غالا ..
مراوح السينمون شي جدا لذيذ ورائع .. لكن واجهت مشكله في ترتيب الطبقات ممكن تشرحين كيف !!
لان العجينه طريه كملتها بالشكل العادي الرول
وشكرا لك

غالا يقول...

الله يعافيك
ترتيب الطبقات لو قطعتي العجينه بالعرض تكون الشرائح طويله شوي
فعلاً ويصعب ترتيب الطبقات من غير مايكون فيه تمدد بالعجين
يعني تحتاجين خفة يد ومرونه بالتحكم فيها
لاكن انتي حاولي تقطعين بالطول وترتبينهم مجموعتين
تكون عندك القطع اقصر وسهل ترتيبها ،،
ياليت تكون الفكره وصلتك ،،

غير معرف يقول...

اول يمدونة رااائعة يعطيك الف عافية ..
ثاني شي رمضان كريم

ثالث شي عادي استخدم اي طحين ؟؟

غالا يقول...

الله يعافيك ياحلوه
ومبارك علينا وعليكم الشهر الفضيل
بالنسبه للدقيق استخدمت الدقيق الكويتي
ولو استخدمتيه اضمن لك ان المقادير تكون مضبوطه
لاكن لو غيرتي بالدقيق ممكن تحتاجين تزيدين او تنقصين
من مقدار الدقيق على حسب كثافته
أهم شي انه يكون دقيق ابيض يعني مو بر ّ ،،

واي سؤال ثاني انا حاضره ،،

غير معرف يقول...

يعطيك العافية غالا..
بسألك دهنتي الصينة قبل لا تحطي العجين..
ومشكورة على الإبداع والذوق

نسيج مبدع

غالا يقول...

هلا اختي
مايحتاج تدهنينها لو الصينيه من النوع الممتاز لان الزبده في الوصفه وافره
لاكن لو خايفه من نوع صينيتك اللي تستخدمينها ممكن تدهنينها بشوية زبده

غير معرف يقول...

يعطيك الف عافية وصفاتك شكلها لذيذ بس لسى ماجربتها
ان شاء الله اجربهاواعتمد مدونك في طبخاتي

غالا يقول...

يعافيك ربي
والوصفه هذي ضروري تجربينها لذيذه بشكل لاتقاوم ،،

غير معرف يقول...

انا اخذت الطريقه منك بس من منتدى مو مني ..
جربتها وطلعت روووووعه تسلم يمناك

غالا يقول...

الله يسلمك وعليك بالعافيه ،،

غير معرف يقول...

اهلين ياحلوه انا جربتها تجنن حتى ذوقت جيراني والمعلمات مررره اعجبتهم بس عندي ملاحظه انا طبعا حطيت ورق البليسيه بوسطه صينية الكب كيك فما عطاني الشكل المطلوب ولمن حطيت الباقي بورق بليسيه وصفيتهم بصينيه دائريه صارو مررره يجننون حتى شكلهم صار زي المراوح فأنا أعتقد انو المفروض يانستخدم الصينيه حقت الكوب كيك لحلها او بليسيه وبصينيه عاديه لحالهم الاثنين مايجتمعون ومشكورة حبيبتي

غالا يقول...

عليكم بالعافيه
وفكره حلوه بجربها اذا سويتها المره الجايه ،،

غير معرف يقول...

سيمو

السلام عليكم حبيبتي
مرررره اعجبني طبخك تسلم ايديكي
شسمه بغيت اسئلكي من وين شريتي ورق الزبده وكم سعره
سويت حلى المراوح مررره جنان والكل انهبل عليه ضبط معي ميه بالميه شيء ثاني ياليتك اذا كتبتي ما تكتبين بالجحرام او اذا كتبتي تكتبين كل جرام وكم يساويه من ملعقه او كاس او بياله وكذا ×ـ÷

غالا يقول...

الله يسلمك
ورق الزبده متوفر في اكثر من محل تلاقينه بمحلات الاواني المنزليه
وموجود في محل ملتقى الخبازين ومحل تافولاالسعر صراحه مو متذكره
اما ياحلوه بالنسبه للمقادير بالجرام سبق وتكلمت عنها اكثر من مره
انه من الصعب احيانا اقيس المقدار بالكاسات او الملاعق
لانه يعتمد على نوعية المكون مثلاً ممكن يكون نوع من الدقيق يساوي
الكاس منه ١٠٠ جرام بينما نوع اخر من الدقيق ممكن يكون الكاس ٨٥ جرام
هذا غير انه احياناً المقدار لما احوله لكاسات مايعطي مقدار متكامل او واضح
يعني يكون ماكمل الكاس ولا وصل الي ثلاثة ارباع الكاس يكون مابين وبين
شي صعب احدده لكم آتمنى الفكره تكون وصلت ،،

غير معرف يقول...

عزيزتي غالا مشكوره على مدونتك الجميله جدا بس عندي سؤال او استفسار او عتاب مو عليك لا على المدونه :) لاني ابحث عن حلى شفته قبل ومالقيته الي تشيز بالحليب المركز المغلي الي صاير مثل الكراميل لي يومين ابحث وماحصلته قبل على طول احصله والان لما بغيت اسويه ماحصلته :(

غير معرف يقول...

الغاليه غالا حصلته واخيرا في الاقلاع الحمدلله بس باقي اسالك هل ضروري الكورن سيرب لانه صعبه اشتريه بس علشان هالحلى وهل من الممكن لو شريته استخدمه في حلويات اخرى يعني وش فايدته وهل له بديل ؟ ادري كثرت الاسئله عليك ياقلبي وجزاك الله خير على رحابة صدرك :)

غير معرف يقول...

الحلى الي اتكلم عنه هو تشيز دولسي ليش

غالا يقول...

مراحب
بالنسبه للحلى تشيز دولسي دي ليش موجود في المدونه لاكن يمكن يكون رجع صفحات ورا بعد مانزلت وصفات لحلويات ثانيه انتي ادخلي على قسم الحلويات واذا فتح انزلي لاخر الصفحه تلاقين رسائل اقدم اضغطي عليها ودوري على الوصفه اللي تبين لو ماحصلتيها كمان اضغطي اخر الصفحه على رسائل اقدم وكرري العمليه لغاية ماتحصلين وصفتك ممكن تكون بعض الوصفات راجعه اكثر من اربع صفحات ..
وعموماً هذا رابط الوصفه في المدونه http://crazycooking1.blogspot.com/2010/11/blog-post_11.html

غالا يقول...

الكورن سيرب استخداماته دائماً بالغالب تكون متعلقه بالشوكلاته الخام
عموماً ممكن تستغنين عنه لو حابه حطي شوكلاته خام مع قشطة مثلاً

غير معرف يقول...

عساج دوم ع القوه
تشكرين ع المجهود الرائع اللي تبذلينه الله يجعله ف ميزان حسناتج يارب
بس حبيت اسألج هني عندنا ف الامارات ماخليت جمعيه مادورت فيه الدقيق الكويتي و لا لقيته ف حبيت تنصحيني استبدله باي نوع من انواع الدقيق اللي ممكن نتيجته تكون مقاربه للدقيق الكويتي

غالا يقول...

الله يقويك ..
بالنسبه للدقيق ممكن تستخدمين اي نوع يكون دقيق ابيض مايكون برّ
انا في الوصفه هذي ماحددت انه يكون دقيق كويتي
لاني مو دايم استعمله لانه دقيق مبيض ومحسن
لاكن البعض دائماً يسألني فاأذكر في بعض الوصفات نوع الدقيق
والسبب في ذكر النوع لانه احياناً نستخدم في وصفه ٣ كاسات
من نوع دقيق احنا نستعمله ومتعودين عليه
بينما ممكن شخص اخر يستخدم ¾ ٢ كاسات في نفس الوصفه
لان نوع الدقيق مختلف عنده ..
الشركات المنتجه للدقيق تختلف في فرز وتصفية وتبييض واضافات
الدقيق من شركه لاخرى ،،
وبالنسبه لي انا شخصياً احب اجرب واستخدم انواع مختلفه من الدقيق
ودائماً في سفراتي اجيب معاي انواع مختلفه من الدقيق
واجرب والاقي فيه اختلاف واضح من دوله لدوله ثانيه
او من مصنع منتج لمصنع ثاني
وعندكم في الامارات انواع حلوه من الدقيق جربي وشوفي الافضل بالنسبه لك ،،

غير معرف يقول...

ما قصرتي يالغلا
و باخذ على شورج و بجرب الانواع المتوفره ف اسواقنا
لأني استخدم نوع واحد و لا مره جربت اغير
انزين بسألج شو الفرق بين الطحين الفاخر و الطحين العادي
ولج مني كل الود و الاحترام

غالا يقول...

انواع الدقيق تنتج من خلال نسب الاستخلاص
مثلاً الدقيق البرّ نسبة الاستخلاص ٩٠ ٪
والبروتين فيه عالي وهو النوع الصحي
والدقيق العادي ٨٠٪
وهنا تقل نسبة البروتين
والابيض الفاخر ٧٠٪
الاقل جداً من الانواع السابقه بالبروتين
وانا افضل استخدام العادي بالخبز والابيض بالكيك
رغم انه تختلف النسب من دوله لاخرى في الاستخلاص ونسبة الغلوتين
وبأمكانك قبل شراء الدقيق قرائة النسب وتحديد النوع الافضل للوصفه ،،

غير معرف يقول...

مشكوره يالغلا على ردج الوافي و الكافي
الله يجعله في ميزان حسناتج
و بانتظار المزيد من الإبداع

غير معرف يقول...

الله يعطيك العافية طريقة رائعة

غالا يقول...

الله يعافيك الاروع تواجدك ،،

غير معرف يقول...

شكرًا بجربهااليونان شاء الله

غير معرف يقول...

عفوا اقصد اليوم ان شاء الله

غالا يقول...

جربيها ررررروعه ولذيذه جداً ،،

غير معرف يقول...

جربتها نجحت معاي وعجبت اللي ذاقوها مره رهيبة وسهله

غالا يقول...

عليكم بالعافيه ،،

Related Posts Plugin for WordPress, Blogger...
 
Crazy Cooking | TNB