Subscribe News Feed Subscribe Comments

اكواب الكيك بدقيقه

،

،

الوصفه هذي لذيذه جداً وسريعه مايحتاج من وقتك غير دقيقتين 
دقيقه للخلط ودقيقه في المايكرويف
المقادير :
4 ملاعق كبيره دقيق
4 ملاعق كبيره سكر باودر
3 ملاعق كبيره بودرة كاكاو
1 ملعقه صغيره باكينغ باودر
3 ملاعق كبيره شوكلا نوتيلا ( بحرارة الغرفه )
3 ملاعق كبيره حليب سائل
3 ملاعق كبيره زيت نباتي
1 بيضه كبيره
 
، ،
نحتاج للزينه : 
كريمة خفق 
شوكلا سائله (هيرشي) 
الملعقه الكبيره المستخدمه مقاس 15 مل  
والصغيره مقاس 5 مل
، ،
الطريقه :
نضع البيضه والحليب والزيت وشوكلا النوتيلا بوعاء 
نخفقهم مع بعض حتى تمتزج شوكلا النوتيلا مع السوائل
نضع الان الدقيق والسكر والكاكاو الباودر والباكينغ باودر دفعه واحده
  نخلطهم مع بعض جتى يتجانس الخليط
ملاحظه: 
( الخليط ممكن تتركينه بالثلاجه لمدة يوم 
  لو خلطتي الخليط وماتبين تستخدمينه كله
حطي الباقي من الخليط بالثلاجه بعد ماتغلفينه كويس
ووقت ماتحتاجينه طلعيه من الثلاجه وحركيه وصبي منه بالاكواب
ودخليه المايكرويف حتى لو يوم ثاني
او لو حابه تخلطين الخليط قبل مايجيك ضيوف بوقت
علشان ماتستخدمينه الا بعد مايجون ضيوفك لتقديمه حار) 
الان نحضر اكواب الكوفي الصغيره وتكون قابله للاستخدام بالمايكرويف
أو اي نوع من الاوعيه والاطباق صغيرة الحجم
ويصب مقدار بسيط من الخليط فيه لانه راح يتضاعف المقدار 
نضع تقريباً مقدار منتصف الكوب فقط 
نضع في كل مره داخل المايكرويف اربعة اكواب فقط  
نضبط المايكرويف على دقيقه فقط لكل اربعة اكواب 
ولاحظي لو زاد الوقت يطلع معاك ناشف 
وحنا محتاجين مايطول بالمايكرويف علشان يكون رطب من الداخل
هذا شكلهم بعد مايطلعون ن المايكرويف  
اكواب الكيك بعد ماتطلع من المايكرويف ممكن تقدمينه وهي حارررره
راح تكون الذ
وبما ان الشوكلا مركزه فيها محتاجين شي يخفف مررراة الشوكلاه
وأفضل شي الويبنغ كريم
ناخذ مقدار كوب ونخفقه حتى يثقل ونضع مقدار ملعقه منه
عند التقديم على كل كوب
ويزيين بخطوط شوكلاه هرشي السائله
 وممكن نزينه ببودرة كاكاو مثل الشكل 
وشكله من الداخل هش ولذيذ مررره
،،،

44 التعليقات:

mano يقول...

هلأ قمت عملتها مجرد تسلاية كنت مفكرة ما رح تنجح و اتفاجأت و عيوني ما كانو يصدقو عنجد حسيت كأنو سحر فظيعة thanx galaaa

غالا يقول...

بالعافيه عليك اهم شي الطعم ااااااكيد عجبك ،،

mano يقول...

اكيد عجبني و اول ضيوف يجوني لازم ساويها كتير سهلةو المواد متوفرة بكل بيت و ما بتعمل جلي ... P:

غالا يقول...

هههههه اهم شي الجلي !

غير معرف يقول...

مرحبا

حلا جداااا سهل الله يحرم ايدينك على النار ..


بس بعد اذنك انتي منزله الموضوع بمنتدى شامواه والخلفيه حقة الموضوع راحت يطلع بدالها مربعات ومو واضح ياليت تعيديها والف شكررررر ...

غالا يقول...

مراحب
تسلمين يالغلا
بالنسبه للخلفية فتحت الموضوع في اكثر من جهاز والخلفيه واضحه
راجعي الموضوع مره ثانيه وشوفي يمكن يكون من المتصفح عندك..
وثانكس ع التنبيه ياعسل ،،

alhadeeqa-art يقول...

يسعد اوقاتك بالحقيقه اعجبني جدا وصفاتك المقدمه وصلتني اليوم رساله من خلال جروب ابو نواف وجدا كانت مميزه وسهله الله يعطيكي العافيه

اختي الكريمه انا املك منتدى وهو منتدى الحديقة الزراعي على الرابط التالي

www.alhadeeqa.com

اكون جدا سعيد بزيارتك لنا وانظمامك لاسرتنا ونستفيد من وصفاتك المميزه هذا وانا كصاحب منتدى واملك سيرفر يشغل الموقع اكون سعيد بتقديم اي مساعده لانجاح مدونتك من خلال استضافتها لدينا وتقديم كل العون لتكون ناجحه ومميزه باسمك اختي

ارجو زيارة الموقع والاطلاع عليه

وللتواصل ارجو المراسله على

ammj2002@msn.com

واسمحي حتى يحين موعد زيارتك لنا بالموقع ان نقوم بتقديم بعض وصفاتك بالموقع طبعا مع ذكر مصدرها ومن ابدعت بطرحها

غالا يقول...

شاكره جداً لمنتدي الحديقه الزراعي
وجاري زيارة المنتدى آن شاء الله
ويشرفني تقديم وصفاتي بالمنتدى لديكم ،،

غير معرف يقول...

راااااائعه
من جد سهله وسريعه وأهم حاجه لذييييييذه
تسلم الايادي
الله يعطيك العافيه يا عسل

غالا يقول...

الله يعافيك .. شرفني مرورك ،،

نون النساء يقول...

تسلم الأيادي
فنانة مطبخ ما شاء الله


نستفيد منج ;)

غالا يقول...

الله يسلمك
كثير علي فنانه انا هاوية طبخ ليس الا ..

أنثى السحاب يقول...

بجد وروووعه .. استمري باابداعك

غالا يقول...

الاروع تواجدك معنا آنثى السحاب
والابداع يستمر بتشجيعكم ان شاء الله ،،،

دودي ‘ يقول...

تسلم يدك يا مبدعه ..

بس حبيت أسألك ، ممكن أستخدم صينيه بايركس دائريه صغيره ؟

غالا يقول...

ممكن اهم شي تكون صالحه للمكرويف والحجم يكون مناسب ،،

دودي ‘ يقول...

شكرا لكِ ..

استمري في إبداعك ..

ونحن بإذن الله معك ..

غالا يقول...

تسلمي دودي ..

غير معرف يقول...

من وين الاكواب .. ؟؟
وهل راح تختلف المده لو كان بالفرن والا نفسها ؟؟

غالا يقول...

مراحب ..
الاكواب بصراحه ناسيه من وين اخذتها احتمال من الدانوب او من هوم سنتر
والمده طبعاً تختلف راح تحتاجين اكثر بالفرن يمكن تقريباً عشر دقائق ..

غير معرف يقول...

هالكيك انتشرت طريقته بالبلاك بيري ^^
وصلني عن طريقه وطبقته والكل اخذ طريقته لانه بالفعل يممممي من ناحيه الطعم والشكل

تسلم يدك والله يجزاك خير :*

غالا يقول...

عليك بالعافيه .. وتسلمين ع الكلام الحلو ،،

AWACHE يقول...

السلام عليكم ,~’
ماشاء الله عليج مبدعة !!
جربت الطريييقة و طلعت واااايد رووعة
و حطييت ايسكريم بدل الويبنغ كرييم
و طلعت تجنن ~
كل حد حب الكييكة
و ما صدقوو انها تستوي في المكرويف :P

غالا يقول...

عليكم بالعافيه
وأن شاء الله دوم تعجبك وصفاتي ،،

سوما يقول...

والله والله والله
أبداع xابداع روووووووووووعه ماشاء الله تبارك الرحمن ربي يسعدك يارب
وبصراحه انا ماعندى مكرويف > راح احطه بالفرن لانه فوق قالتي 10 دقائق يالغاليه بس سؤال ممكن درجه حراره الفرن كم
وحياتي معليش على السوال الحين صوره الكوب في حجمه مثل فنجان الشاهي او مثل حجم كوب الحليب عندنا بالسعوديه اولا وشكراااا والسموحه اذا ازعجتك

غالا يقول...

اهلين اختي سوما
كثير جربوه بالفرن لاكن ماكان بجودة المايكرويف
الحراره خليها متوسطه والكوب هنا حجمه ميني قريب من حجم البياله
ولو ياحلوه مافيه ازعاج ولاشي اي سؤال انا حاضره ،،

سوما يقول...

الله يسعدك الله يسعدك الله يسعدك يارب وتسلمين على ردك
في انتظار جديدك

غير معرف يقول...

انا من عشاق وصفاتك الصراحه وما في شي هنا الا جربته وكل وصفحة احلى من الثانية ، ما شاالله ، وهالوصصصصفه الصراحه ادممممممان يوميا اسويييها بس انصح اللي يسويها يسويها بشوكلاتة جالكسي لاني في فرق كبير بالطعم اذا حطيتي غيره ، بس مدري عن النوتيلا ما احبه عشان كذا ماحطيته بس الصراحه مع الجالكسي طعمه يصييييح <3 

غالا يقول...

شكراً ياحلوه وبجربه ان شاء الله بالجالكسي
رغم اني جربته بنكهات شوكلاته ثانيه وكان حلوووو مره ،،

ايمو يقول...

الصراحة انامااحب الطبخ ولا كنت اطبخ غير لما تزوجت ولا أعرف اطبخ اي وصفة الا وصفاتك ياغلا طبعا مو كلها بعضها صعب لكن جد مرررررة لذيذ اكلك وحاولي دائما تحطين لنا اكل بسيط سهل للمبتدئين مثلي خاصة الحلويات
وهذة وصفة حلوة يسلممممو ويعطيك العافية ونبي سلطات
من اشد محبيك يعني لك الفضل بعد الله في دخولي للمطبخ وحبي للطبخ

غالا يقول...

شي حلو يا ايمو انك حبيتي المطبخ
ودائماً البدايه في اي شيء من السهل وعقبال ماتطبخين الوصفات كلها ،،

غير معرف يقول...

الف شكر

غير معرف يقول...

يسعدك ربي
بس من وين اجيب اكواب زي كذاااا

غالا يقول...

استخدمي اي اكواب او اوعيه قابله للاستخدام في المايكرويف
وعموماً الاكواب من النوعيه هذي متوفره في ساكو وهم سنتر ،،

غير معرف يقول...

الله يعطيك العافيه
حبيبتي مدونتك مررره روعه ماشاء الله عليك
بسالك الاكواب اظن اني شفتها بالدانوب
ورحت شريتها بس اخاف ماتطلع نفسها :(

غالا يقول...

شوفي من تحت مكتوب عليها صالحه للمايكرويف والفرن
عموماً استخدمي اي اكواب او صحون سيراميك صغيره تنفع تدخل المايكرويف ،،

غير معرف يقول...

‏​‏❤☺•• آڵسَـِْ♡̨̐ـِْڵٱمَ ؏ـلـِْ♡̨̐ـِْيّيّگمَ ••☺ اختي انا اللي عندي الميكرويف اللي تسخين بس هذا ينفع ؟؟ والا ثاني ؟؟ وشاكرتلج جدا وصفاااتج السهله

غالا يقول...

وعليكم السلام
ايوا المايكرويف تبع التسخين هو اللي اقصده ،،

غير معرف يقول...

السلام عليكم كيفك يا غالا
انا ما عندي مايكرويف وابي طريق للسوفليه وتكون ناجحه هفهل طريقتك هذي تنفع اسويها في الفرن وتكون نتيجتها كالسوفليه
والف الف الف شكر  

غالا يقول...

حبيبتي الوصفه هذي عباره عن كيك وبعيد مكوناتها عن السوفليه
عموماً جربي وصفة المولتن لذيذه مررره انا اعتبرها افضل من السوفليه
وقريب ان شاء الله بنزل وصفه السوفليه الاصليه ،،

غير معرف يقول...

عذرا خيتووو ..
شنو نوع الدقيق ؟؟ والحليب السائل مركز وﻻ عادي ؟

غير معرف يقول...

السلام عليكم ،، يعطيك العافية غالا ويحميك ربي من كل عين

سويت نفس المقادير بالمل بس زودت السكر شوي عشان اخفف المرارة شوي الخليط كان مرا ثقيل خفقته قليل وكملت بالمضرب الكهربائي
وعبيت نص الكوب بس يرتفع للاخير في المايكرويف وبس يوقف المايكرويف يرجع يهبط مرة
ماعرف ليش ؟؟ طلع مستوي من النص وطعم بس الاطراف من فوق وتحت مو مستوية سايلة شوي هوا كذا ولا انا ماضبطته

ربي يسلم يدينك ويوفقك ان شاء الله

غالا يقول...

الدقيق استخدمت الكويتي او ممكن دقيق فوم
والحليب عادي مو مركز .. اي حليب سائل مثل المراعي ،،

غالا يقول...

من رأي انك تتقيدين بالمقادير لاتزيدين شي ..
والكوب ياليت مايكون كبير خليه صغير او ووسط ..
اما النتيجه فهي تكون مستويه وناشفه من الوسط والاطراف
يمكن تحتاجين تزيدين المده في المايكرويف
لان المايكرويف تختلف انواعه وتوزيعه للحراره ،،

Related Posts Plugin for WordPress, Blogger...
 
Crazy Cooking | TNB